onsdag 7. september 2011

Shoddy i hus

Eg har visst forsømt bloggen her grovt den siste tida. Eg går og ventar på ei ladning med nye økologiske bomullsstoff, dei skulle vore her for lengst men eg veit ikkje kor dei er i prosessen. Eg håpar dei kjem snart så det kan bli oppdateringar i nettbutikken!

Elles har det gått mykje i ulldyrproduksjon både her og der, og førre veke fekk ei ny ladning shoddy frå Fretex. Shoddy er ullvarer som dei ikkje sender ut i butikkane men gjenvinner på ulike vis. For ein hundrelapp får eg ein svart søppelksekk full, og det er alltid spennande å opne og sjå kva som ligg nedi. Dei fleste av plagga eg får er heilt fine, men det er kanskje hol eller flekkar som gjer at dei ikkje kan selgast. Til ulldyr derimot duger dei utmerka! Her er eit lite utval, og i desse gensarane ser eg ei heil rekke nye dyr:
Det lyserosa øverst er ein heil kjole i lammeull, no er eg sikra innside til kaninøyrer i laaang tid framover. Heldigvis. Den sennepsgule med fletter på syns eg er knallfin,men er litt usikker på kva den kan bli til. Eg har så lyst til å lage ekorn men manglar stoff i passande farge. Eg går og ventar og ventar på at ein rustraud ullgenser skal dukke opp, men enn så lenge har den ikkje det. Kanskje eg skulle prøve meg på sennepsgule ekorn i staden? Hmm.

Sjå dette skjønne handstrikka skjørtet! Så forseggjort og arbeidskrevande. Det har fått eit hol midt på, så då hamna det altså i Fretexcontaineren. Kva skal eg bruke dette til? Det sit langt inne å tove slike handstrikka plagg, altså. Kanskje eg kan burde gjøre det om til eit sjal eller noko?
 Denne genseren kan bli til nokre riktig eksklusive harepusar, tenker eg!

3 kommentarer:

  1. Ja, enig!

    Den sennepsgule fargen var alldelse n y d e l i g!
    Hva med en løve? Selv om jeg vet at det er ikke bare hokus pokus å utvikle en ny modell..

    Kommer du på Eplamarkedet eller? :) Siw

    SvarSlett
  2. Hallo. Ville bare si at mannen min oppdaget bloggen din og tipset meg om den, og jeg syns den er fantastisk. Så utrolig mye fint du lager:) er veldig imponert! Ble veldig nyskjerrig på denne shoddyen, det hørest kult ut med en søppelsekk med ullklær/plagg. Jeg syr endel selv, mest barneklær for tiden. Tror du det er mulig å spørre min nærmeste fretex om dette, eller er dette en spesial avtale du har med din butikk. Tenkte bare å høre med deg først før jeg troppet opp på fretexen og forlangte det samme:) Men du tover altså det meste du får derfra og syr av tovet ullstoff etterpå? 60 grader i maskinen? På forhånd takk. Vennlig hilsen Mamma Karlsen

    SvarSlett
  3. Hei!

    Hyggelig å høyre at du likar bloggen. Eg får shoddyen frå Fretex sitt sorteringsanlegg her i byen, det er altså varer som dei ikkje sender ut i butikkane. Ta kontakt med Fretex sentralt i din landsdel, du finn oversikt på nettsidene deira.

    Det meste blir tova på 60 grader ja, enkelte ting prøver eg på 40 først hvis det er veldig tynne stoff eller veldig fint som kashmir eller angora.

    SvarSlett