lørdag 25. juni 2011

Gode loppefunn - tekstilar

Eg gjekk jo så kjekt ut her for ei tid tilbake og sa eg skulle presentere gode loppefunn kvar lørdag framover. Tja. Det blei visst berre eit par gonger så langt. Men eg har tenkt å skjerpe meg! Eg tenkte høgt i dag og lurte på kva eg skulle skrive om, då sa mannen i huset at det var vel berre å gå ut og ta bilde av klessnora. Og det hadde han heilt rett i, for sånn såg nemlig den ut i dag:

Eg har hatt ein stor stabel tekstilar liggande i kjellaren etter årets loppemarknader, og det tar si tid å vaske seg gjennom dei. Men no nærmar eg meg botnen, og her er dagens vaskemaskinladning. Det var godt tørkever ute, og eg må jo seie at tørkestativet sjelden har vore så fotogent. Eg klarar ikkje gå forbi gamle broderte dukar og fragerike tørklær på sånne marknader, må berre ta dei med meg heim. Mange av dei eg har er gamle, slitte og flekkete, men eg har ein plan om kva eg skal bruke dei til. Meir om det etterkvart. Men no som eg vurderar å sette saksa i enkelte av dei, merkar eg at det melder seg eit behov for å tidfeste broderia. Eg vil jo nødig klippe opp noko som kan vere verdt å ta vare på! Så no leitar eg etter gode kjelder på sånt, nokon som har tips?
Sjå denne for eksempel. Nydelige fargar, brodert på lin,  men veldig slitt.Nokon har brydd seg nok om den til å bøte hola forsiktig, det seier vel litt om at duken har vore høgt verdsett.  
Denne er også lin, brodert med korssting og kanta med blonde. Eg syns fargen er så fin!
Eg fann også ein pose med eit halvferdig lappeprosjekt, og fleire ferdig klipte ruter og strimlar. Nydelige småblomstrete stoffer:
Og sjå korleis fargane på dette tørkleet og løparen står saman:
Og denne dama, kva er det ho driv med?
 Fargerik fugl på stramei:



 Eg har etterkvart ein heil del slike gamle tekstilar, og for meg er dette små skattar. Noko av det finaste eg eig. Så vil tida vise om eg vågar å gi dei nytt liv i ein annan form!

6 kommentarer:

  1. Dama dekker bord, ser du vel! Ser ut som hun akkurat setter på plass en pen vifte-brettet serviett :)
    Masse fin stoffer! Det er så fint å kunne gi nytt liv til gamle, slitte duker og andre stoffer. Når jeg finner flotte, broderte duker, blir jeg egentlig bare glad når det er hull eller flekker - ellers har jeg ikke hjerte til å klippe i dem :p

    SvarSlett
  2. Det har du sjølvsagt rett i, Ida!

    SvarSlett
  3. Jeg holder på å pakke ned mitt jordiske gods om dagen. I dag pakket jeg mengder av linhåndklær og små, søte, broderte brikker. Og jeg bruker det jo aldri. Det ligger bare på stas i lintøyskapet.
    Tror jeg kunne holdt en vintagebutikk åpen i et år med disse tekstilene. Kanskje en idé hvis det skulle begynne å skrante med pengene utover høsten.

    SvarSlett
  4. Hvilke skatter! Ikke alltid så lett å sette saksen i gamle, fine tekstiler, selv om de er hullete og slitt...

    SvarSlett
  5. Hei! Så hyggelig at du la inn en kommentar på bloggen min, og takk for oppmuntrende ord i forhold til hagen. Ja, i år blir det å se hva som er der, og så kommer vi sterkere tilbake neste år. Jeg håper at vi skal klare å spa opp en stor hageinteresse...Jeg klarer også sjelden å få forbi broderte duker på loppis, men har blitt litt bedre...For min del klarer jeg sjelden å passere fat og tallerkener fra Figgjo o.l. Håpløst tilfelle.

    SvarSlett
  6. Besto hadde ein slik gul duk også.

    SvarSlett