fredag 29. april 2011

Regnboge i tråd

Har du nokon gong vore på loppemarknad og funne ein pose full av det som ser ut som trådrestar og garnstumpar? For så å komme heim og innsjå at du har fått eit liten skatt mellom hendene når du opnar posen? Nokon har tømt syskrinet eller strikkekorga, og restane vitnar om flittige hender og ferdige eller uferdige prosjekt. Eg klarar aldri å gå frå slike posar! Her om dagen leika eg meg litt med sånt noko, og resultatet skal få stå på stas i syrommet ei stund, til inspirasjon og glede for syn og sinn.
God fredagskveld!

(ps: i morgon set eg i gang ein liten serie; mine finaste loppefunn! Kvar lørdag framover vil eg vise fram bruktfunn eg er spesielt godt nøgd med, av ein eller annan grunn. Andre som vil vere med på leiken? Vis fram dine, du også!)

2 kommentarer:

  1. Herlig!
    Det var garn til å bli glad av.

    God helg!

    SvarSlett
  2. Så lekkert loppegarn og artige bøker du fann :) Ha ein fin kveld :)

    SvarSlett